İŞİD-in yeni lideri Əbu İbrahim Haşiminin yerini öyrənmişik.

Axar.az xəbər verir ki, bunu ABŞ Prezidenti Donald Tramp bildirib.

"Nyu York Biznes Klub"a danışan ABŞ lideri Əbubəkr Bağdadi və təşkilatın sözçüsü Əbu Həsən əl-Muhacirin öldürülməsindən sonra üçüncü lider barədə də məlumatlı olduqlarını qeyd edib:

"Üçüncüsü gözümüzün önündədir. Onun problemləri var, çünki yerini bilirik. Beləliklə, bu şəkildə davam etməliyik. Əks təqdirdə, ikinci dəfə problem yaşamağa davam edəcəyik".

Qeyd edək ki, Prezident Donald Tramp İŞİD terror təşkilatının lideri Əbubəkr Bağdadinin ABŞ hərbçilərinin Suriyanın İdlib vilayətində keçirdiyi əməliyyat zamanı öldürüldüyünü bildirib. Yeni liderin isə Əbu İbrahim Haşimi olduğu təsdiqlənib.