00:27

Türkiyənin Şanlıurfa bölgəsində yerləşən 20 saylı hərbi hissədə partlayış baş verib.

Axar.az xəbər verir ki, bu barədə Türkiyə mediası məlumat yayıb.

Qeyd edilir ki, partlayışın olduğu bildirilən hərbi hissəyə çox sayda təcili yardım və xilasetmə qrupları göndərilib.

***

Şanlıurfadakı partlayışla bağlı daha bir xəbər yayılıb.

Partlayışın hərbi hissənin yaxınlığında yerləşən silah anbarında baş verdiyi bildirilib. Ardıcıl olaraq bir neçə dəfə partlayışın olduğu vurğulanıb.

Olayla bağlı danışan Şanlıurfa valisi Abdullah Erin anbarı qorumaq istəyərkən 9 nəfərin yaralandığını bildirib. Yaralılarının durumunun yaxşı olduğunu söyləyib.