Honkonqda zorakılığa son qoyulması üçün şəhər rəhbərliyinə dəstək oluruq.

Axar.az xəbər verir ki, bunu Çin Xalq Respublikasının Sədri Si Szinpin BRİKS sammitində çıxışı zamanı bildirib.

O qeyd edib ki, Honkonqun ən təcili işi şiddəti sonlandırmaqdır:

"Honkonq polisini qanunu qorumaqdan ötrü təsirli tədbirlər görmək üçün ciddi şəkildə dəstəkləyirik".

Qeyd edək ki, cinayətkarların Çinin materik hissəsinə ekstradisiya olunması barədə qanun layihəsinin hakimiyyət tərəfindən qəbul edilməsi cəhdindən sonra Honkonqda kütləvi etiraz aksiyaları başlayıb. Şəhər hökumətinin sentyabrda həmin təşəbbüsdən imtina etməsinə baxmayaraq, aksiyalar hələ də davam edir. Etirazlar istirahət və bayram günləri daha da aktivləşir və zamanla iğtişaşlar, küçələrin bağlanması, yanğın törədilməsi halları və metro stansiyalarında vandalizm aktları ilə müşayiət olunur.