Sanksiyalar, rəngli inqilablar, qanuni hökumətlərin dəyişdirilməsi... Bütün bunlar ABŞ administrasiyasının ağzının içinə baxıb, səsini çıxarmayacaq hökumətlərin qurulması üçündür.

Axar.az xəbər verir ki, bu sözləri rusiyalı deputat, Rusiya Qəhrəmanı Andrey Krasov Misirin ABŞ tərəfindən sanksiyalarla təhdid edilməsini şərh edərkən deyib.

“ABŞ-ın sanksiyalardan geopolitik məqsədlər üçün istifadə etməsi tamamilə aydındır. ABŞ mükafat və cəza mexanizmindən istifadə edərək xüsusilə silah bazarında haqsız rəqabət formalaşdırmağa çalışır”, - deyə Krasov bildirib.

Qeyd edək ki, Misirin Rusiyadan 20-dən çox Su-35 qırıcısı almaq istədiyi haqqında məlumat yayılıb. ABŞ isə Su-35-lərdən imtina etməyəcəyi halda Misiri sanksiyalar gözlədioyini açıqlayıb.