ABŞ-ın CEPA (Avropa Siyasəti Analiz Mərkəzi) təşkilatının ekspertləri Rusiyanın Baltikyanı ölkələri necə işğal edə biləcəyini açıqlayıb.

Axar.az xəbər verir ki, CEPA hesabatında Baltikyanı ölkələrə hücum üçün ən zəif nöqtənin Litva-Polşa sərhədindəki Suvalks dəhlizinin olduğu vurğulanıb. CEPA bu ərazinin işğal üçün Rusiya tərəfindən “Axilles dabanı” kimi istifadə edilə biləcəyini açıqlayıb:

“Məhz bu “Axilles dabanı” Rusiya tərəfindən Baltikyanının işğalı üçün istifadə edilə bilər. Amerika hərbçiləri bu ərazidə yoxdur, ona görə də Rusiya Polşa-Litva sərhədində ciddi müqavimətlə qarşılaşmayacaq. Məhz bu dəhliz Rusiyaya yardım edəcək ki, Kalininqradı Belarusla birləşdirsin. Bunun üçün Rusiyanın 25 batalyonu səfərbər etməsi lazımdır”.

Bununla belə CEPA bu variantın inandırıcılığının həddən artıq az olduğunu bəyan edib.