Gürcü Arzusu Partiyası seçki reformu üçün müxalifətin təklif etdiyi alman modelini qəbul etməkdən imtina edib.

Axar.az xəbər verir ki, bunu Gürcüstan parlamentinin vitse-spikeri Georgi Volski deyib. O, bu modelin Gürcüstan Konstitusiyasına zidd olduğunu bildirib:

“Biz təklifi müzakirə etmişik. Bu barədə müzakirə elə də uzun çəkmədi. Hər kəsə bəllidir ki, alman modeli Konstitusiyaya uyğun deyil”, – deyə o bildirib.

Qeyd edək ki, alman modeli təklifi bir müddət əvvəl müxalifət tərəfindən hökumətə təklif edilib. Müxalifət bu modelin tətbiqi üçün Konstitusiyaya dəyişikliyin vacib olmadığını bildirib.