Ukraynanın İqtisadi İnkişaf və Kənd Təsərrüfat naziri Tinofey Milovanov ABŞ-da təhsil aldığı və namizədlik dissertasiyasını müdafiəsini müdafiə etdiyi zaman marixuananı “daddığını” söyləyib.

Axar.az Musavat.com-a istinadla xəbər verir ki, nazir Milovanov narkotikdən olduqca az bir zaman içində istifadə etdiyini bildirib.

Ukrayna rəsmisi marixuananı sadəcə ABŞ-da çəkdiyini, lakin ölkəsində belə hərəkətə yol vermədiyini qeyd edib.

“Mən ümumiyyətlə çəkən deyiləm. Həyatımda cəmi 6-7 siqaret çəkmişəm, vəssalam. Xüsusilə yelkən idmanı ilə məşğul olduğum zaman zərərli vərdişlərdən qurtulmağı bacarmışam. Marixuanaya gəlincə, ABŞ-da Kolorado kimi bəzi ştatlarda onun leqal istifadəsinə yol verilir. Aspiranturada oxuyarkən mənə onu məsləhət gördülər. Orada bütün doktorantlar onu çəkirlər. Lakin bundan hər hansı zövq aldığımı deyə bilmərəm. Zatən həmin vaxtdan sonra birdəfəlik qurtuldum. İndi hətta kofe də içmirəm, yalnız çay...” - deyə nazir müsahibəsində deyib.

Qeyd etmək lazımdır ki, Timofey Milovanov 2001-ci ildə Viskonsin ştatının Madison Universitetində magistr, 2004-cü ildə isə fələsəfə doktoru adını qazanıb.