Baltikyanı respublikaların Rusiya ilə münasibətləri həmişə çətin olacaq. NATO ilə böhran və Avropa Birliyinin zəifləməsi şəraitində onlar üçün təhlükəsizliyin təminatı baxımından ehtiyat variant lazımdır.

Axar.az xəbər verir ki, bunu Estoniya Daxili İşlər naziri Mart Helme deyib. O, NATO-nun gələcəyinin qeyri-müəyyən olduğunu, ona görə də Baltikyanı respublikaların alyansın üzvü olan müəyyən dövlətlərlə tərəfdaşlıq münasibətləri qurması gərəkdiyini bildirib:

“Ümid edirəm ki, NATO böhrandan çıxacaq və Rusiya təhdidinə qarşı etibarlı zəmanətçi olaraq qalacaq. İnsanlar əvvəlki kimi NATO-nun Estoniyanı müdafiə edəcəyinə inanırlar, amma bu siyasətçilər yox, adi insanlardır”.

O, AB-nin güc mərkəzi olmadığını və bundan sonra daha da zəifləyəcəyini da deyib.