"Rusiyanın son zamanlarda kürdlərə qarşı mövqeyi dəyişib. Çünki kürdlər bölgədəki bütün proseslərin baş aktyorlarından biridir".

Axar.az xəbər verir ki, bu açıqlama ilə Demokratik Birlik Partiyasının (PYD) həmsədri Saleh Müslim çıxış edib. O, kürdlərin Rusiyadan gözlədiyi addımları açıqlayıb:

"Son iki ildə Rusiyanın təhlükəsizliyinin Qafqazda yox, Yaxın Şərqdə başladığını dəfələrlə söylədik. Rusiyanın Yaxın Şərqə böyük marağı var. Bölgədəki kürdlərin hüquqları təmin edilmədikcə, Yaxın Şərqdə sabitlik olmayacaq. Rusiyanın son zamanlarda kürdlərə qarşı mövqeyi dəyişib. Çünki kürdlər bölgədəki bütün proseslərin baş aktyorlarından biridir. Əgər Rusiya bizimlə strateji əlaqələr qurarsa, nəticələrini tezliklə görəcək".