İranda durum o qədər qeyri-stabildir ki, rejim xalqın ölkədə baş verən böyük qəddarlığı dünyaya çatdırmaması üçün interneti dayandırdı.

Axar.az xəbər verir ki, bu sözləri ABŞ Prezidenti Donald Tramp Tvitter mikrobloqunda yazıb.

“İran rejimi düşünürdü ki, onların törətdiyi faciələri və ölüm hadisələrini dünya bilməyəcək”, - deyə Ağ Ev rəhbəri qeyd edib.

Qeyd edək ki, İranda yanacağın qiymətinin qalxmasına etiraz olaraq ölkənin müxtəlif şəhərlərində on minlərlə insan küçələrə axışmışdı. Hökumət qüvvələri ilə etirazçılar arasında baş verən toqquşmalarda 100-dən çox insanın öldüyü bildirilir.

Hökumət bu etirazlardan dolayı ölkədə internetin fəaliyyətini məhdudlaşdırıb.