Ukraynanın Baş naziri Arseni Yaçenyuk Donbasda xüsusi əməlliyyatda iştirak edən hərbçilərin əmək haqlarının artırılması haqqında qərar qəbul edib.

Axar.az xəbər verir ki, baş nazir həmçinin düşmənin hərbi texnikasının məhv edilməsi üçün mükafat da veriləcəyini bildirib.

Müdafiə Nazirliyinin məlumatına görə, hərbi avtomobilin məhv edilməsi üçün mükafat minimal əməkhaqqının 10 misli (12 min qrivna və ya 750 dollar); tankın məhv edilməsinə görə minimal əməkhaqqının 40 misli (48 min qrivna və ya 3 min dollar); yaylım atəşli reaktiv sisteminin məhv edilməsi üçün minimal əməkhaqqının 50 misli (60 min qrivna və ya 3,75 min dollar) məbləğində mükafat müəyyənləşdirilib.

Nazirlər Kabinetinin mətbuat xidmətinin məlumatına görə, hərbçilərin xüsusi əməliyyatlarda iştirakına görə əməkhaqlarının artırlıması haqqındakı qətnaməni Yaçenyuk bu gün Müdafiə naziri Stepan Poltorak, Baş Qərargah rəisi Viktor Mujenko və Dövlət Sərhəd Xidmətinin rəhbəri Viktor Nazarenkonun iştirakı ilə keçirilən müşavirədə imzalayıb.