2015-02-01 22:23:53

Bu gün Rusiyada azərbaycanlı və gürcülər arasında atışma baş verib.

Axar.az xəbər verir ki, Sankt-Peterburqda azərbaycanlı sahibkara məxsus kafedə başlayan dava böyüyüb. Daha sonra kafe sahibləri ilə müştərilər arasında atışma başlayıb.

Hələlik adı açıqlanmayan azərbaycanlı kafe sahibi və müştərilərdən Gürcüstan vətəndaşı olan şəxs öldürülüb.

Hadisə ilə bağlı cinayət işi qaldırılıb. İstintaq aparılır.

2015-02-02 14:00:00

Atışma nəticəsində ölənlərin adları açıqlanıb.

APA xəbər verir ki, fevralın 1-də Sankt-Peterburqun Poqraniçnik Qarkavov küçəsində yerləşən "Qurman" kafesindəki atışmada ölən Gürcüstan vətəndaşı da azərbaycanlıdır.

Ölən müştəri Gürcüstan Respublikası Marneuli rayonunun sakini, 29 yaşlı Vüsal Əfəndiyevdir. Kafenin sahibi olan digər azərbaycanlı isə 46 yaşlı Azərbaycan vətəndaşı Nazim Səmədovdur.

Hadisə yerindən 30 metr aralıda, İvanovka çayının sahilində polis əməkdaşları qan izləri olan salfet və 6 ədəd patronla İJ -79-9 travmatik silah aşkar ediblər.

Bundan başqa, kafenin sahibi Nazim Səmədovun avtomobilindən "Sayqa" karabin tüfəngi aşkar edilib.

Faktla bağlı cinayət işi açılıb, araşdırma aparılır.