Rusiyanın paytaxtı Moskvadan Vladivostoka uçan təyyarədə bir sərnişində ebola simptonları aşkar edilib.

Axar.az xəbər verir ki, sərniş səhhətinin qəfil pisləşməsi və yüksək hərarət diaqnozu ilə təcili xəstəxanaya yerləşdirilib.

Qırmızı Xaç Cəmiyyətinin nümayəndələri xəstədən alınan qan nümunələrini analiz üçün Novosibirsk və Moskvaya göndərib. Həmin təyyarədə uçan sərnişinlərin hamısı həkim müayinəsindən keçirilərək evə buraxılıb.

Rusiya Səhiyyə Nazirliyinin sözçüsü Oleq Salaqayev jurnalistlərə verdiyi açıqlamada xəstənin ebola daşıyıcısı olma ehtimalının çox aşağı olduğunu deyib:

"Bütün lazımi epidemioloji tədbirlər görülüb. Qısa zaman ərzində analizlərin cavabı məlum olacaq".

Bildirək ki, ilk dəfə 2013-cü ildə Qvineyada aşkarlanan virus indiyə kimi 8800 insanın həyatına son qoyub.