Rusiya və Almaniyada teraktların təşkilatçısı olan İŞİD döyüşçüsü Suriyada Türkiyə tərəfindən saxlanılıb.

Axar.az xəbər verir ki, bunu Türkiyə Daxili İşlər naziri Süleyman Soylu deyib. Terrorçunun Azez şəhərində ələ keçirildiyi bildirilib.

Soylu onun Cihad əd-Din ən-Nasir olduğunu söyləyib. O, ələ keçirilən şəxsin bomba hazırlığı, döyüşçülərin tapılması və kamikadze şəbəkəsinin formalaşmasında iştirak etdiyini bildirib.

Nasirin 2018-ci il Rusiyada və Almaniyanın Hamburq şəhərindəki teraktlar təşkil etdiyi vurğulanıb.