Suriya rejiminə qarşı ilk olaraq çıxan polkovnik Mustafa Hüseyn Harmuşun iki il əvvəl qətlə yetirilməsi ilə bağlı görüntülər yayımlanıb.

Axar.az xatırladır ki, Azad Suriya Ordusu qurucularından olan polkovnik Hüseyn 2011-ci ildə Əsəd rejiminin dinc əhaliyə qarşı qətliama başlamasından sonra iqtidara qarşı çıxmış və Türkiyəyə sığınmışdı. Əsədin başına 100 min dollar mükafat qoyduğu Hüseyni Milli İstihbarat Təşkilatının 3 üzvünün də olduğu 7 nəfər Suriyaya təslim etmişdi.

Türkiyə Hüseyni Əsəd rejiminə təhvil verən 7 nəfəri həbs etdi, Hüseyn isə Suriyada zindana salınıb, 2012-ci ildə işgəncə ilə qətlə yetirildi.

Suriyada 4 il ərzində yüz minlərlə mülki vətəndaşı qətlə yetirən Əsəd rejiminə qarşı çıxan ilk zabitlərdən biri məhz polkovnik Mustafa Hüseyn Harmuş olub.