Virtual məkanda qarşınızdakı şəxs sizdən nə qədər uzaqda olursa olsun, artıq o adama toxuna biləcəksiniz.

Publika.az xəbər verir ki, ABŞ-ın Nortvestern Universitetinin biomühəndisi Con Rocers və komandası yeni, kabelsiz və batareyasız toxunma hissini virtual mühitə köçürən “ağıllı dəri” təqdim ediblər.

Elm dünyası illərdir virtual dünyaya hisslərimizi əlavə etmək üçün işlərini davam etdirir. Çox sayda “elektronik dəri” cihazı istehsal edilsə də, bu texnologiyalar həmişə kabelli elektrodlara bağlı olurdu. Sözügedən aparatlar sürətli reaksiya vermirdi və o qədər də effektli deyildi. Ancaq Con Rocersin cihazı daha sürətli və real hisslər yaşadır.

Virtual toxunuş yumşaq və elastik bir təchizata qoşulmuş, sürətli proqramlaşdırıla bilən miniatür titrəməli disk sayəsində reallaşır. Bu sistem sayəsində ağıllı dəri, bədənə sensorlar vasitəsilə məlumat girişini təmin edir. Beləcə özümüzü qarşı tərəfə toxunmuş kimi hiss edirik.