Ukraynanın Daxili İşlər naziri Arsen Avakov Ali Radanın vitse-spikeri Andrey Parubiyaya qarşı edilən sui-qəsdlə bağlı açıqlama verib.

Axar.az xəbər verir ki, Avakov sui-qəsdin təşkilində Ukrayna dövlət mühafizəsi sədrinin keçmiş müavini Stanislav Şulyakın şübhəli olduğunu bildirib.

Avakovun sözlərinə görə, Parubiyaya qarşı sui-qəsdə cəlb edilmiş şəxslər terror qruplaşmasının üzvləridir.

Bu günə qədər Parubiyaya qarşı sui-qəsdlə bağlı 3 şübhəli şəxs saxlanılıb. Saxlanılanlar arasında Rusiya vətəndaşı da var.

Qeyd edək ki, Parubiyaya qarşı sui-qəsd ötən ilin dekabr ayının 24-də olmuşdu. Parubiyanın ayaqları altına qumbara atılmışdı, ancaq o özünü kənara atmaqla partlayışdan yayınmışdı.