Separatçılar Debaltsevo şəhərini nəzarətə almağa cəhd göstərərkən hərbçilər dinc əhalidən canlı qalxan kimi istifadə edirlər.

Axar.az xəbər verir ki, bu barədə separatçı qurumun Baş Qərargahından Rusiyanın "RİA Novosti" agentliyinə bildiriblər.

Separatçılar bu bəyanatla həmçinin Ukrayna Müdafiə Nazirliyinin Debaltsevoda separatçıların açdığı atəş nəticəsində 9 nəfər dinc əhalinin ölməsi haqqındakı xəbərini də şərh ediblər. "Separatçılar mülki obyektləri atəşə tutmamaq haqqında əmr alıblar. Ancaq müharibə müharibədir. Hər şey ola bilər. Əgər hərbçilər dinc əhalidən canlı qalxan kimi istifadə etməsəydilər, belə hallar olmayacaqdı".

Xatırladaq ki, Debaltsevo Donetsk vilayətinin şərqində yerləşir və Ukrayna hərbçilərinin 8-10 min nəfərlik qüvvəsi buraya cəmlənib.