ABŞ Administrasiyası 2016-cı maliyyə ili üçün federal büdcə çərçivəsində Amerika Konqresindən 4 trilyon dollar tələb edəcək.

Axar.az xəbər verir ki, bu bardə "Nyu York Tayms" qəzetinin bazar nömrəsində məlumat yayılıb. Bu informasiyaya əsasən, büdcə kəsiri 474 milyard dollar təşkil edəcək. Bu məbləğ ümumi daxili məhsulun 2,5 faizinə bərabərdir.

Ekspertlərin əksəriyyəti belə hesab edir ki, bu səviyyə nəzarət altındadır. Hər il bu göstəricinin artacağı və 2025-ci ilədək 687 milyard dollara çatacağı gözlənilir.

Xatırladaq ki, Rusiyanın 2015-cü il üçün nəzərdə tutduğu büdcə 439 milyard dollardır. Hazırda Rusiyadakı iqtisadi tənəzzül səbəbindən büdcə 10 faiz ixtisar edilib, rublun dəyərdən düşməsi isə bu rəqəmi kifayət qədər azaldacaq.