Rusiya vətəndaşları Gümrüdə 7 nəfəri öldürən 102-ci bazanın əsgəri Permyakovun ölkəsinə qaytarılmasını istəmir.

Axar.az xəbər verir ki, bu Rusiyanın "Levada Center" mərkəzinin keçirdiyi sorğuda öz əksini tapıb.

Sorğunun nəticələrinə görə, rusların 68 faizi Gümrü qətli barədə eşidib, 32 faizi isə məsələdən agah deyil.

Qətl haqqında eşidənlər Rusiyanın istintaqa rəhbərlik etməsini, lakin məhkəmə prosesinin Ermənistanda keçirilməsini dəstəkləyib.

Qeyd edək ki, yanvarın 12-də Rusiyaya məxsus 102 saylı hərbi hissənin əsgəri Permyakov Gümrüdə bir ailənin 6 üzvünü öldürmüş, altı aylıq körpəni isə yaralamışdı. Yaralanan altı aylıq uşaq Serj Avetisyan isə yanvarın 19-da ölüb.