Türkiyə vətəndaşlarına Çanaqqala zəfərinin anım mərasimlərində iştirak etmək qadağan edilib.

Axar.az xəbər verir ki, Çanaqqala valisi Əhməd Çinar bu barədə 31 dekabrda sənəd imzalayıb.

Sənədə görə, həm 18 mart, həm də 24-25 apreldə Türkiyə vətəndaşlarına Çanaqqala zəfərinin 100-cü ildönümündə "Məhmətcik abidəsi"ni ziyarət etmək qadağan edilib. Çanaqqala rəhbərliyi sözügedən qadağanı insanların sıxlığı və xarici ölkələrin liderlərinin mərasimlərdə iştirak ilə əlaqələndirib.

Qeyd edək ki, Türkiyə Prezidenti Rəcəb Tayyib Ərdoğan Çanaqqala zəfərinin 100-cü ildönümündə iştirak etmələri üçün bir çox dünya liderini Türkiyəyə dəvət edib.