2014-cü ildə Ermənistanda doğuşun səviyyəsi əvvəlki ilə nisbətən 3,3 faiz artıb.

Axar.az Nyus.am-a istinadən bildirir ki, bu barədə məlumatı Ermənistan Milli Statistika Xidməti verib.

Məlumatda bildirilir ki, 2013-cü ildə ölkə ərazisində 41790, 2014-cü ildə isə 43 183 doğum qeydə alınıb.

Ölüm faktı isə 2013-ü illə nisbətdə 2,5 faiz artaraq 27872 dəfə qeydə alınıb.

2014-cü ildə bir yaşdan aşağı körpələrin ölüm faizi isə 8 faiz aşağı düşüb.

Ermənistanda insanların böyük əksəriyyətinin ölüm səbəbi arasında qan dövranı sistemində olan xəstəliklər, bəd xassəli şişlər, tənəffüs və həzm sistemi xəstəlikləri yer alır. Ölkədə zəhərlənmələr nəticəsində ölənlərin sayı 1246 nəfər olub.

Statistika Xidməti təbii artımın 2013-cü illə müqayisədə 4,9 faiz artaraq 15311 nəfərə çatdığını açıqlayıb. Ümumilikdə isə 2015-ci ilin əvvəlinə olan statistikada ölkə əhalisinin sayı bir il ərzində 3.018 100-dən 7500 nəfər azalaraq 3.010.600 nəfərə çatdığı bildirilir.