Belarusiyanın paytaxtı Minskdə bir araya gələn Üçlü Təmas Qrupu hər hansı bir razılaşma imzalamadıqdan sonra separatçılar səfərbərlik elan edib.

Axar.az xəbər verir ki, birtərəfli olaraq müstəqilliyini elan edən qondarma Donetsk Xalq Respublikasının lideri Aleksandr Zaxarçenko ümumi səfərbərlik elan etdiklərini, Luqansk Xalq Respublikasının da yardımı ilə qüvvələrinin sayını 100 minə çatdıracaqlarını açıqlayıb.

İlkin mərhələdə könüllülərin tələblərini nəzərə alacaqlarını deyən Zaxarçenko buna bir ay vaxt lazım olduğunu deyib.

Minsk görüşlərində iştirak üçün Kiyev rəhbərliyinin rəsmi nümayəndə qəbul etməsinin birinci şərt olduğunu deyən separatçı lider Leonid Kuçmanı rəsmi nümayəndə qəbul etmədiklərini bildirib.