Dərbənd Administrasiyasının keçmiş rəhbəri Qurban Qurbanovun kadrları vəzifəsini itirməyib.

Axar.az-a verilən məlumata görə, yeni gələn rəhbər Məhəmməd Cəlilov xələfinin komandası ilə işləməyə üstünük verib.

M.Cəlilovun təyinatından çox az zaman keçdiyi üçün kadr islahatları başlamayıb. Yeni rəhbərin öz heyətini formalaşdıracağı gözlənilir. Əslən azərbaycanlı olan administrasiya rəhbərinin kimləri vəzifəyə təyin edəcəyi məlum deyil.

Xatırladaq ki, 16 sentyabr 2014-cü il tarixində Qurbanov barəsində Rusiya Federasiyasının Cinayət Məcəlləsinin 286-cı maddəsinin 2-ci hissəsi ilə (vəzifə səlahiyyətlərinin aşılması) Rusiyanın Dağıstan üzrə İstintaq komitəsinin İstintaq İdarəsinin rəhbəri tərəfindən cinayət işi açılıb.

Nəticədə səlahiyyət müddətinin bitməməsinə baxmayaraq, istefaya göndərilməsinə cəhd edilən Q.Qurbanov həbsə məhkum olub. Sonra ev dustaqlığına buraxılıb. Q.Qurbanov 1998-ci ildən bu rayona rəhbərlik edib. Ondan əvvəl atası təxminən 25 il Dərbəndin rəhbəri olub.