Türkiyə Prezidenti Rəcəb Tayyib Ərdoğanın avtomobil kartejinin keçdiyi yolun üstündə iki ardıcıl partlayış baş verib.

Axar.az xəbər verir ki, Çankaya ərazisində baş verən hər iki partlayış əldə düzəltmə partlayıcı ilə törədilib.
"Zaman" qəzeti Ərdoğanın kartejinin yaxınlığındakı bu partlayışların ardınca hadisə yerinə xüsusi xidmət orqanı əməkdaşlarının gəldiyini yazıb. Aydınlaşdırılıb ki, partlayış üçün 3 plastik butulka hazırlanıb, onlardan yalnız biri partlamayıb.

Ekspertlər partlayışın gücünün zəif olduğunu və ciddi təhlükə yaratmadığını qeyd ediblər. Bu partlayışların Ərdoğana qarşı sui-qəsd olub-olmadığı araşdırılır.

Hadisə ilə bağlı hələlik rəsmi açıqlama verilmir.