Putinin şəxsi düşməni olaraq qiymətləndirilən general İsa Munayev Donbasdakı döyüşdə həlak olub.

Axar.az xəbər verir ki, bu barədə Donbas batalyonunun komandiri, deputat Semen Semençenko Feysbuk səhifəsində yazıb. Onun sözlərinə görə, Debaltsevoda terrorçular və rus ordusu hücuma keçibmiş:

"Qrad"lar, minomyotlar işləyirdi, tanklar döyüşə çıxmışdı, fasiləsiz hücum başlamışdı. Donbas batalyonunun 4, Ukrayna ordusunun 12 əsgəri həlak oldu. Həlledici məqamda xəbər gəldi ki, Rusiyaya məxsus 14 tank Yenakiyevodan Uqleqorska gəlir".

Semençenko bildirib ki, İsa Munayev başçılıq etdiyi Cövhər Dudayev batalyonunun döyüşçüləri ilə birgə məhz həmin məqamda Debaltsevoya gəlib:

"Az silah, amma böyük ruh yüksəkliyi ilə gəldilər".

Döyüş zamanı İsa Munayevin ödüyünü bildirən komandir bunun hansı şəraitdə və necə olduğunu bildirməyib.

İsa Munayevin ölümünü deputat Boris Filatov da təsdiqləyib:

"Bəli, İsa həlak oldu – öz həyatı bahasına mühasirəyə imkan vermədi".