"Ukraynanın ölkədən çıxan və İnterpol tərəfindən axtarılan keçmiş məmurları axtarışların nə qədər davam etməsindən asılı olmayaraq tapılacaq".

Axar.az xəbər verir ki, bu sözləri ukraynalı deputat Anton Geraşenko söyləyib.

O, İsraili Ukrayna üçün nümunə gətirərək, bu ölkənin düşmənlərini 50 ildən sonra belə axtarmaqda davam etdiyini bildirib:

"Həmin şəxslər bir neçə gündən istifadə edərək ölkədən qaçıblar. Lakin biz onları mütləq tapacağıq. Çünki onlar İnterpol tərəfindən axtarışa verilib. Tez və ya gec - 5, 10, 20 ildən sonra belə onlar tapılacaq".