Səudiyyə Ərəbistanı İŞİD-in ölkədə terror hücumları törətməsinin qarşısını almaq üçün təşkilatın içinə agentlər göndərəcək.

Axar.az xəbər verir ki, bu barədə İngiltərənin "Tayms" qəzeti yazıb. Qəzet İŞİD-in ötən ay Səudiyyə Ərəbistanının şimalında təşkil etdiyi hücumda üç əsgəri öldürdüyünü xatırladıb və Səudiyyə rəhbərliyinin bu hücumdan sonra təşkilatın daxilində güclü kəşfiyyat məlumatları almaq məcburiyyətində olduğunu bildirib.

Həmçinin İŞİD-ə qoşulmaq üçün bir çox xarici ölkə vətəndaşının İraq və Suriyaya getməsinin təşkilata sızma imkanı verdiyi, Səudiyyə rəhbərliyinin də bu metoddan istifadə edəcəyi qeyd olunub.