Taliban qruplaşması ABŞ-la sülh müqaviləsi bağlamaq istəyir.

Axar.az xəbər verir ki, bu sözləri Əfqanıstanda səfərdə olan ABŞ Prezidenti Donald Tramp deyib.

“Baxacağıq, anlaşma istəyirlərmi deyə...” - Tramp əfqan həmkarı Əşrəf Qani ilə görüşündə qeyd edib.

Ağ Ev rəhbəri əlavə edib ki, ölkəsi Əfqanıstanda hərbçilərinin sayını ciddi şəkildə azaldaraq 8600-ə endirib:

“Biz müqavilə imzalana və qələbə tam təmin olunana qədər burada qalacağıq”.

Qeyd edək ki, amerikalı prezident gözlənilmədən Əfqanıstana səfər edib. Onun səfəri ilə bağlı ictimaiyyətə öncədən açıqlama verilməmişdi.