Liviyanın bəzi bölgələrində nəzarəti ələ alan Əl Qaidənin Liviya qolu Ənsaruş Şəria təşkilatı ölkənin ikinci böyük şəhəri – Benqazidə polis təşkilatı yaradıb.

Axar.az xəbər verir ki, qurum ilə bağlı dəstələrin fotoşəklini sosial şəbəkələrdə yayan təşkilat şəhərə tam nəzarət etdiyini bir daha bəyan edib.

Bundan başqa Ənsaruş Şəria eyni zamanda islamçı qruplar tərəfindən yaradılan Benqazi İnqilabçılar Şurasını da idarə edir.

Xatırladaq ki, bu təşkilat 2012-ci ildə ABŞ səfirliyinə hücum edərək səfir Kristofer Stevensi öldürmüşdü.