İrəvan polis idarəsinin rəis müavini Valeri Osipyanın yaxın qohumu Sedrak Osipyan istintaqdan yayınmağı bacarıb.

Axar.az erməni mediasına istinadla xəbər verir ki, 8 aydır axtarışda olan S.Osipyanın gizlədildiyi barədə şübhələr var.

Cinayət işinin materiallarına görə, S.Osipyan 22 yaşlı Vanuşa Aleksanyanı bıçaqlayıb. Şəhər polis rəisinin müavini Valeri Osipyan isə zərərçəkənlərin nümayəndəsi ilə görüşərək, onlara təzyiq edib və günahı öz üzərlərinə götürməyi tələb edib.

Hazırda faktla bağlı cinayət işi qaldırılıb.

Ermənistan ictimaiyyəti cinayətkarların dövlət səviyyəsində müdafiə olunduğunu iddia edirlər.