ABŞ-ın Ukraynaya mümkün hərbi yardımı – müsbət addımdır.

Axar.az xəbər verir ki, bunu Ukraynanın keçmiş müdafiə naziri general Anatoli Qriçenko bildirib. O, "Ukrayna Amerika hökumətindən hansı silahları almaq istəyərdi?" sualına cavab verərkən ilk növbədə pilotsuz təyyarələrin adını çəkib.

"İlk növbədə pilotsuz uçan aparatları. Həm də təkcə izləmə məqsədi ilə deyil, eyni zamanda mülki əhalinin məhv edilməsinə yol verməmək üçün dəqiq zərbələr endirmək məqsədilə", - deyə o, bildirib.

Zəruri silahlar içərisində Qrişenko snayper tüfənglərinin və müdafiə olunan əlaqə kanallarının da adını çəkib.

Eks-nazir qeyd edib ki, bu silahların istifadəyə hazırlığı çox az vaxt aparacaq.

"Bu silahlar lazım olmayan əllərə düşə bilərmi?" sualına isə Qriçenko əminliklə belə cavab verib:

"Bunun baş verməməsi üçün Ukrayna Prezidenti Poroşenkonun hər cür səlahiyyəti var".