Qrenlandiya ətrafında baş verənlər terrorizm və kibercinayətkarlıq kimi təhdidlərdən daha vacibdir.

Axar.az xəbər verir ki, bunu Danimarka Xarici Hərbi Kəşfiyyatının rəhbəri Lars Findsen deyib. Onun sözlərinə görə, Arktikadakı dünya gücləri, xüsusilə, ABŞ, Çin və Rusiya arasındakı rəqabəti nəzərə alsanda, Qrenlandiya ölkənin təhlükəsizliyi üçün əsas məsələyə çevrilib.

Qeyd edək ki, ABŞ-ın Qrenlandiyanı Danimarkadan satın almaq barədə planları olduğu haqqında məlumat yayılıb. Tərəflər arasında bununla bağlı hətta mübahisə də yaranıb.