Rəsmi İrəvan Türkiyənin Ermənistana mümkün hücumu mövzusu ilə bağlı skandal məqalə ətrafındakı situasiyanı diqqətlə izləyir.

Axar.az xəbər verir ki, bunu jurnalistlərə açıqlamasından Ermənistan Xarici İşlər naziri Zöhrab Mnatsakanyan deyib.

“Mən bu informasiyanı təsdiqləyə və ya inkar edə bimərəm. Bunu ilk növbədə Türkiyə etməlidir. Açığını desəm, hələlik Türkiyə tərəfindən heç bir reaksiya yoxdur. Bu məsələ həddən artıq narahatlıq yaradır”, – deyə o bildirib.

Qeyd edək ki, bundan öncə İsveçin “Nordik Monitor” jurnalı Türkiyənin Ermənistana hava hücumu hazırladığı ilə bağlı məxfi sənədlər yayımlamışdı.