Rusiya Prezidenti Vladimir Putin Suriya böhranı haqda müzakirələr aparmaq üçün 9-10 fevral tarixlərində Misirə gedəcək.

Axar.az Kremldən verilən açıqlamaya istinadən bildirir ki, Suriya böhranı ilə yanaşı Orta şərq və Şimali Afrikada baş verən hadisələr, eyni zamanda İraq və Liviyada yaşanan olaylar əsas müzakirə mövzusu olacaq.

Səfərdə iki lider arasında Rusiya-Misir əlaqələrinin siyasi, iqtisadi-ticari və humanitar perspektivlərinin daha da genişləndirilməsi mövzusunda müzakirələr aparılması planlaşdırılır.

Xatırladaq ki, Misir Prezidenti Əbdül Fəttah Sisi prezident seçkilərindən bir qədər öncə Moskvaya səfər edərək Kreml ilə 3 milyard dollarlıq silah anlaşması imzalamışdı.