Ermənistanda Daşnaksütyun Partiyasının gənclər qanadından olan bir qrup tələbə Təhsil, Elm, Mədəniyyət və İdman Nazirliyinin binası qarşısında nazir Araik Harutyunyanla görüşmək tələbi ilə qanunsuz aksiya keçirib.

Axar.az "Xəzər Xəbər"ə istinadla xəbər verir ki, tələbələrin tələbi rədd edildiyindən onlar oturaq aksiyaya qərar veriblər.

Ermənistan hüquq-mühafizə orqanından bildirilib ki, bu zaman polislə tələbələr arasında qarşıdurma baş verib.

Nazirliyin yerləşdiyi Vazgen Sərkisyan küçəsində yolların bağlanması nəticəsində böyük tıxac yaranıb. Polis etirazçı tələbələrə qarşı güc tətbiq edib. 24 nəfərin saxlanıldığı bildirilir.

Qeyd edək ki, tələbələrin etirazına səbəb noyabrın əvvəlində Təhsil Nazirliyinin "Ali təhsil və elm haqqında" qanuna dəyişiklik edilməsi barədə verdiyi təklif olub.