Rusiyada Koreya Xalq Demokratik Respublikası ilə iqtisadi-ticari əməkdaşlıq üzrə şura yaradılıb.

Axar.az xəbər verir ki, bu barədə Rusiya Sənaye-Ticarət palatasının vitse-prezidenti Vladimir Straşko məlumat verib.

Təşkilat ticarət və investisiya sahəsində konkret layihələrin həyata keçirilməsi ilə məşğul olacaq.

Straşko Şimali Koreya ilə Rusiya arasında yeni mərhələnin başlandığını, bundan sonrakı mərhələdə də iqtisadi-ticari əlaqələrin möhkəmləndiriləcəyini bildirib.

Qeyd edək ki, iki ölkə arasında illik əmtəə dövriyyəsi 112,7 milyon dollar həcmindədir.