"Ukraynanın şərqində döyüşən separatçılar heç də tamamilə Rusiyanın tabeliyində deyillər".

Axar.az xəbər verir ki, bu açıqlama ilə Ankarada yerləşən Beynəlxalq Strateji Araşdırmalar Təşkilatının (USAK) eksperti Həbibə Özdal çıxış edib. O, Ukrayna böhranının yalnız silahlı mübarizə yolu ilə həll edilməyəcəyini bildirib:

"Ukraynaya silah yardımı edilməsi və ordunun Rusiyayönümlü separatçıları məhv edəcək səviyyəyə gətirilməsi heç də doğru deyil. Çünki böhranın dərinləşməsindəki ən önəmli məsələlərdən biri Ukraynanın şərqindəki insanların istəklərinin nəzərə alınmamasıdır. Onlar rəsmi Kiyevin özlərinə qarşı düşmən münasibəti bəslədiyini fikirləşir. Situasiya belə olan halda münaqişəni hərbi yox, siyasi planda həll etmək lazımdır".