Cenevrədə yerləşən Beynəlxalq və İnkişaf Araşdırmaları üzrə Məzun İnstitutunda 2012-ci il üzrə müharibə hesabatının təqdimat mərasimi keçirilib.

"Axar.az" məlumat verir ki, ölkəmizi mərasimdə Cenevrə şəhərindəki BMT bölməsi və digər beynəlxalq təşkilatlar yanında Daimi Nümayəndəliyi təmsil edib.

Hesabatda 2012-ci ildə 24 dövlətin ərazisində baş vermiş və davam etməkdə olan 37 silahlı münaqişə haqqında məlumat verilib. Burada Azərbaycan ərazilərinin Ermənistan qüvvələri tərəfindən işğal edilməsi və münaqişə tərəflərinin yalnız Azərbaycan-Ermənistan olması vurğulanıb. Hesabatın sözügedən münaqişəyə həsr olunmuş hissəsi "Ermənistan tərəfindən Azərbaycanın hərbi işğalı" adlandırılıb.