Türkiyənin Baş naziri Əhməd Davudoğlu Gülən hərəkatına yaxın "Bank Asiya"nın səhmlərinin alınması barədə qərardan danışıb.

Axar.az xəbər verir ki, Davudoğlu bunu siyasi deyil, hüquqi qərar kimi qiymətləndirib. Baş nazirin sözlərinə görə, hər bir qurum və şəxs qanunlara riayət etməlidir:

"Bank Asiya"dan tələb olunan məlumatlar vaxtında verilməyib. Qanunlara hər kəs əməl etməlidir. Bu qərarın verilməsində heç bir təlimat olmayıb. Əgər hüquqi qaydalara əməl olunsaydı, müzakirə edilə bilər, buna siyasi qərar kimi baxmaq olardı".

Qeyd edək ki, Gülənə yaxın olan "Bank Asiya"nın baş ofisinə polis basqın edib. Bankın səhmlərinin isə 63 faizinin Sığorta Fondunun istifadəsinə qərar verilib. Bankın qanunazidd fəaliyyət göstərərək şəffaflığı pozduğu bəyan edilib.