Ermənistan parlamentinin keçmiş deputatı Akop Akopyan haqqında cinayət işi açılıb.

Axar.az erməni mətbuatına istinadən xəbər verir ki, keçmiş deputat bir çox cinayətlərdə ittiham olunur.

Akopyan dövlətə və təşkilatlara külli miqdarda ziyan vurmaqla qanunsuz sahibkarlıqla məşğul olma, vergidən yayınma və sənədləri saxtalaşdırmaqda günahlandırılıb.

Akopyanın vəkili Karen Sərdaryan müvəkkilinin günahsız olduğunu deyib:

"Mənim müvəkkilim məhkəmədə dedi ki, əgər dövlətə pul lazımdırsa, onu verə bilər, amma o günahkar deyil. O, günahı sübuta yetiriləcəyi təqdirdə əmlakına həbs qoyulmasını təklif etdi. Lakin məhkəmə bunu nəzərə almadı və Akop Akopyanın həbsinə qərar verdi".