Qərbdən bizə gələn mallar onların rusiyalılara əsl münasibətini göstərir.

Axar.az xəbər verir ki, bunu Rusiya Liberal Demokrat Partiyasının sədri Vladimir Jirinovski öz Tvitter səhifəsində paylaşıb.

"Federal Antiinhisar Xidməti nəhayət ki, Avropadan aşağı keyfiyyətli malların gəldiyini aşkar etdi. Biz Qərb ölkələri üçün hər cür tullantının təklif edildiyi ikinci növ insanlarıq. Bizlə ticarət etmək istəyirlərsə, yüksək səviyyəli məhsullar göndərsinlər", - deyə o bildirib.

Qeyd edək ki, Federal Antiinhisar Xidməti bundan öncə bəzi xarici istehsalçılara xəbərdarlıq edərək, onların Rusiyada satışa çıxardığı məhsullarla xaricdəki məhsulların eyni keyfiyyətdə olmadığını bildirmişdi. Xəbərdarlıq xüsusilə “Ariel” və “Persil” yuyucu tozları, eləcə də “Lindt” şokoladları ilə bağlı edilmişdi.