Donbasda Ukrayna hakimiyyətinə qarşı vuruşan separatçılar bu gün Debaltsevo yaxınlığında yerləşən strateji əhəmiyyətli Uqleqorsk şəhərini ələ keçirdiklərini bəyan ediblər.

Axar.az xəbər verir ki, yanvarın 29-dan mühasirəyə alınan şəhər fevralın 1-də separatçılar tərəfindən tutulub.

Məlumata görə, hazırda separatçıların şəhərdə çoxlu sayda tank, zirehli texnika, artilleriyası yerləşdirilib.

Ukrayna ordusunun hissələrinin isə "Uqleqorskaya" şaxtası rayonunda mövqe tutduqları bildirilir.

Bu gün isə Ukrayna mətbuatı Uqleqorskun hələ də hərbçilərin nəzarətində olduğunu və separatçıların şəhərə hücumunun dəf edildiyini yazıb. Hətta şəhərin Ukrayna ordusunun nəzarətində olmasını əks etdirən fotolar da yayımlanıb.