Şimali Koreya ABŞ Prezidenti Donald Trampa bu ölkənin Prezidenti Kim Çen haqqında “raket adam” ifadəsini işlətməməsi barədə xəbərdarlıq edib.

Axar.az xəbər verir ki, Şimali Koreya Trampın “raket adam” ifadəsini işlətməyə davam edəcəyi təqdirdə çox sərt şəkildə qarşılıq verəcəklərini açıqlayıb.

Şimali Koreya Xarici İşlər nazirinin müavini liderlərindən hörmətsiz formada bəhs edildiyini və bunun Şimali Koreya xalqının ABŞ-a nifrət etməsinə səbəb olduğunu söyləyib. O, əks təqdirdə Trampdan “ağlını itirmiş qoca” ifadəsi ilə bəhs edəcəklərini bildirib.

Qeyd edək ki, Tramp tez-tez raket sınaqları keçirdiyinə görə koreyalı həmkarını bir neçə dəfə “raket adam” adlandırmışdı.