22:07

Türkiyə Prezidentinin sözçüsü İbrahim Qalın Ədəbiyyat üzrə Nobel mükafatına Bosniya soyqırımını inkar edən Peter Handkenin layiq görülməsini soyqırımın təbliği kimi qiymətləndirib.

Axar.az xəbər verir ki, İbrahim Qalın Tvitter hesabında mükafata avstriyalı Peter Handkenin layiq görülməsini tənqid edib.

O bildirib ki, Handke 2006-cı ildə soyqırım və digər müharibə cinayətlətində ittiham olunmuş sabiq Yuqoslaviya Prezidenti Slobodan Miloseviçi dəstəkləyən və Bosniya soyqırımını inkar edən şəxsdir:

"Bu ağılasığmaz və utancverici qərarı ləğv etmək lazımdır. Vicdansız biri necə mükafatlandırıla bilər? Yeni soyqırımları təbliğ etmək üçün?"

***

Türkiyə Müdafiə Nazirliyi də Peter Handkeyə Nobel mükafatı verilməsini kəskin qınayıb:

“2019 Nobel Ədəbiyyat Mükafatının Bosniya soyqırımının canisi, bosniyalı qardaşlarımızın qatili Miloseviçin ən böyük dəstəkçisi Peter Handkeyə verilməsini ən sərt şəkildə qınayırıq. Vicdan sahibi olan hər bir insanı dərindən yaralayan bu tarixi xətadan vaxtında geri dönülməsini gözləyirik”, - açıqlamada qeyd edilib.