İraqda yaşanan böhran cəmiyyətin bütün ünsürləri arasında uzlaşma əldə olunaraq həll edilməlidir.

Axar.az xəbər verir ki, bunu İordaniya Kralı II Abdullah İraq Prezidenti Bərham Salehlə aralarında baş tutan telefon danışığı zamanı deyib.

Kral ölkənin sabitliyi, təhlükəsizliyin təmin olunması, siyasi müstəqilliyin əldə edilməsi və daxili işlərə müdaxilələrə qarşı mübarizədə ölkəsinin İraqa dəstək olacağını bildirib.

Qeyd edək ki, İraqda işsizlik və rüşvətxorluğa qarşı oktyabrın 1-də başlayan və hələ də davam edən aksiyalarda ümumilikdə 460 nəfər həlak olub, 19 min insan yaralanıb.