Ali Rada Ukraynanın sabiq baş naziri Yuliya Timoşenkoya "qaz işi"ndə hökm oxuyan hakim Rodion Kireyevin həbs edilməsi barədə qərar qəbul edib.

Axar.az RİA-Novosti-yə istinadən bildirir ki, Radanın iclasında belə bir qərar üçün 226 səs lazım olub. Səsvermə zamanı 297 millət vəkili qərarın lehinə səs verib.

Xatırladaq ki, Timoşenko səlahiyyətlərindən sui-istifadə ittihamı ilə yeddi il azadlıqdan məhrum edilib. Onun 2009-cu ildə Rusiya ilə qaz sazişlərinin imzalanması zamanı bir sıra nöqsanlara yol verdiyi iddia olunurdu. 2011-ci ilin 22 fevralında Ukrayna parlamenti Timoşenkonun həbsini qınasa da, millət vəkili 2014-cü ildə məhbəsdən azad ola bildi.