Böyük Britaniyanın baş naziri Boris Conson özünün ən pis hərəkətindən danışıb.

Report-un məlumatına görə, bu barədə o, “Skay Nyus”un efirindəki müsahibəsində etiraf edib.

"Ola bilər, velosipeddə gedəndə səki üzrə hərəkəti qadağan edən qanuna riayət etmirdim, artıq öyrəşmişdim", - deyə baş nazir etiraf edib.

Boris Conson bəzən yol hərəkəti qaydalarını pozduğunu etiraf edib. Baş nazirin sözlərinə görə, o özü belə, bu cür davranışı bəyənmir.

"Amma mən bəzən sadəcə səkiyə çıxıram", - deyə o əlavə edib.

Qeyd edək ki, Boris Conson Britaniyanın xarici işlər naziri vəzifəsində çalışarkən işə velosipeddə gedirdi. O, habelə nazirlikdən də evinə velosipeddə qayıdırdı. Lakin 2016-cı ildə polis siyasətçinin terrorçuların hədəfi ola biləcəyini nəzərə alaraq, bunu ona qadağan edib.