Suriyada İslam ordusuna bağlı müxalif birliklər paytaxt Şamda rejim qüvvələrinin idarəsində olan hərbi ərazilərə "Qrad" raketləri ilə hücum edib.

Axar.az Türkiyə mətbuatına istinadən xəbər verir ki, səhər 07:30-da başlayan hücumlarda əraziyə yüzlərlə "Qrad" raketi düşüb. Hücum nəticəsində ərazidəki bir neçə obyekt partladılaraq yerlə-yeksan edilib.

Müxalif İslam ordusunun komandiri Zəhran Alluş Tvitter hesabından verdiyi açıqlamada ərazinin Əsəd qüvvələrindən təmizləndiyi ana qədər hücumların səngiməyəcəyini bildirib.