Rusiyalılar Georgi Jukov (62%), Aleksandr Suvorov (51%) və Mixail Kutuzovu (42%) müxtəlif dövrün hərbi qulluqçuları arasından vətən qəhrəmanları olaraq seçiblər.

Axar.az xəbər verir ki, bu barədə Ümumrusiya İctimai Fikrin Tədqiqatı Mərkəzi məlumat yayıb.

Rusiyalılar həmçinin Konstantin Rokossovski (33%), Aleksandr Nevski (30%), Fyodor Uşakov (21%) və Pavel Naximovun (20%) adlarını da qeyd ediblər.

Bundan əlavə, sorğu iştirakçılarına “vətən qəhrəmanı” adlandırıla biləcək müasir və keçmiş dövrlərdə yaşamış rusiyalı hərbçilərin, hərbi qulluqçuların adlarını çəkmək də təklif olunub.

Yekuna əsasən, 37% Jukovun, 19% Sergey Şoyqunun, 15% Suvorovun, 12% Kutuzovun adını qeyd edib.

Qeyd edək ki, sorğu 5 dekabr 2019-cu ildə 18 yaşdan yuxarı 1600 nəfər arasında telefon vasitəsilə keçirilib.